Sempena cuti semester 1 ...16/3/2010

Jejak persahabatan ....10/3/2010 di BTPN Sabah
Selamat bertemu kepada rakan yang sekian lama tak terjejak ....... Mohd Jajih, Maaruf, Duraman, Haji Zainal, Anas dan Ahmad Bidin. (Semuanya bg Boss di Sekolah)

Sambat-sambat datang ka tamu
Dahan tuba dibuat nisan
Kumis malintang tanda barilmu
Dicuba orang rabah kapisan

Langau batapok di dalam buhun
Jaruk bambangan di dalam ipang
Manunggu tunang sudah bartahun
Gigi yang panuh manjadi rumpang

Karbau balusir tarlapas pakul
Tartawa patu sakit parutnya
Antu kadar apa ditakul
Labih baik tarik jambulnya

Bangkawat jangan ditunjuk
Jika ditunjuk putut jarinya
Mua bajarawat jangan dicucuk
Jika dicucuk rosak samuanya

Bakai-bakai ka siring laut
Salam salur dalam galugut
Hati ingau apa diikut
Inda barisi ampalus parut

Sahal diurak di atas lampit
Rambaniah buahnya kalat
Orang salisma idungnya sampit
Bakurapak banyak mambari galat

Balingkasa si balingkarung
Tagalongsur duduk barajung
Paling lawa babaju kurung
Idung memek nampaknya mancung

Cuk-cuk surapit, surapit daun buluh,
Kalau tangan takapit, bukan aku menyuruh.

Pantun Dihasilkan ketika bengkel pelaporan Bahagian Teknologi Pendidikan, pada 25-28/11/2008 di Hotel Impian, Morib, Banting Sela)

Daup-daup papanya, tambayangan bakuku ...... datang sudah bapanya, mambawa lauk buntu

Padang Si Bakir Padang Bandari
Banyak siar kalau manyiut
Barani banar jangantah lari
Amun tajumpa ambok bagayut

Batang rokam disisip-sisip
Rumput salingsing disasap-sasap
Lalai mamikir malangnya nasip
Dapur rumah inda barasap

Pohon putat nyaman pucuknya
Dikumpal dangan bubuk karing
Amun balum cukup usinnya
Anak orang jangan dijaling

Batang lalau diradak-radak
Tapus mua aying salamun
Manangis rindu tarsidak-sidak
Hati rawan jangan baibun

Bangal talinga kuatnya badil
Jalingaran mandangar tamparik
Kapus-kapus di ujung katil
Baru sadar pilarut carik

Karbau badai balahai-lahai
Kulimpapatan barkalip-kalip
Basar panjang tinggi lampai
Baru balajar alif-alif

Tagalungsor saluar pilarut
Balingkasa dijamah-jamah
Ati rindu apa diturut
Inda barasap dapur di rumah

Pangal lampuh nyaman ditunu
Anak badus punggal kapala
Anak orang apa dirindu
Silap-silap lasak kapala

Sawang nipis di bawah kolong
Aying sajuk dituang gula
Si awang manangis rohong-rohong
Putus tunang bagaikan gila

Kain paraca ditapas-tapas
Kalakati tumpul baragi-ragi
Batah sudah ku sasak napas
Mati saja balum tah lagi

Sulangkir riuh bunyinya
inggap saikong di siring besen
Anak siapa bisai olahnya
Handak kupinang inda bausin

Hujan turun si barai-barai
Makan rahu bulan di kali
Tujuh purnama batah balarai
Kapala lasak inda paduli

Anak ambuk saluar puntung
Anak payau saluar buntak
Apalah nasib inda baruntung
Sulap ku roboh inda balantak

Turun tabasan bawa balatak
Balatak dianyam bawah biabas
Orang lampuh jangan digartak
Jika digartak mangundang nahas

Mulih ka rumah manumpah ambuyat
Biawak punggur mati bartikam
Batah sudah ku taruh hajat
Sampai mumut bantal dan tilam

Kanawai runduk di padang
Gali batisnya malumak karasik
Bida mua kalau maradang
Baik manyalur ka dalam tasik

Bumbunan licak jangan diusik
Amun diusik marana badan
Mangapa si Awang tarisik-isik
Balurih pasangan inda padan-padan

Apa dibiar sapi barjalan
Mangurit dalus di sungai kuala
Kapiar-piaran kababalan
Taruh lakar di atas kapala

Sungai Benoni banyak nangalah
Singap-singap bukannya lalah
Amun balusir inda mau kalah
Maritah badagan ka padang subalah

Jangan barsunat nampak tangkalak
Burung parak di dalam langgar
Manyangkut tulang di alak-alak
Samua sakit kamboh tabongkar

Pantun Mambawa Rasa (Brunei Benoni)

7 jenis maksiat yang perlu dielak
1)Maksiat perut yakni terlalu banyak makan
2)Maksiat mata yakni suka melihat benda lucah
3)Maksiat lidah yakni mengumpat
4)Maksiat tangan yakni mencuri
5)Maksiat kaki yakni suka mengunjungi tempat maksiat
6)Maksiat telinga yakni suka mendengar perkara yang kurang elok
7)Maksiat faraj yakni membuat hubungan luar nikah

PANTUN BARU
Sempena sambutan perayaan Hari Guru Peringkat Negeri Sabah di Keningau pada 5/6/2009

Tidur malam badudun-dudun
Anak damit jual sairupa
Sudah lama tidak barpantun
Antah kan ingat antah kan lupa

Tarah papan bagulung tatal
Pangayuh barat gubangnya miris
Kalau badan sabasar buntal
Inda payah pakai pamanis

Tiup api barumbun api
Asap kaluar simpang siur
Amun talihat lada api
Tais jua air liur

Ambur katupang dibuat umpan
Handak manyulam daun kaladi
Murung diri tumbang harapan
Bartahun mananti inda manjadi

Kaling indu pakai calana
Mausung padi singitlah bahu
Pungguk marindu di kala garhana
Rajuk di hati siapa yang tahu

Tanam salasih Kampung Simpudu
Pohon kapas saparuh tua
Barpasak kasih barpaut rindu
Tuan pargi ku lapas jua

Sungai bahal disiram tuba
Pisau balati buatan Kedah
Karam di laut boleh ditimba
Karam di hati tuhan yang tahu

PANTUN LAMA

Burung taripas tarbang malayang
Burung kiking patah sayapnya
Siang malam tarbayang-bayang
Orang dikanang siapa ampunya

Tidur malam mangigau-igau
Sampai batampang arang kuali
Sudah batah gadis kuingau
Orang diingau inda paduli

Naik piasau bawa ambulung
Makan kubal barurung-urung
Hidup umpama dalam tampurung
Mata tarlapas badan tarkurung

Kalip-kalip di Batu Arang
Durian tunjung patah bardiri
Apa diharap si anak orang
Labih baik ku undur diri

Pohon ampalam tunjung ka barat
Nipah barisi giok ambatar
Ati runsing sukar diubat
Salagi panawar balum diunjar

Gambus nangka bunyinya kuat
Balingkuk tajam pisau balati
Patah kaki boleh diubat
Inikan pula si patah hati

Ampuras piasau berpintal-pintal
Buah biabas dipilih-pilih
Aying mata mambasahi bantal
Orang diunjar indakan mulih

Lampuyang diuli-uli
Mari diuli dalam balanga
Ku lagau-lagau inda paduli
Orang dilagau inda mangaga

Manuang aing atas pantaran
Batang pasagi ditarah-tarah
Sudah nasib sudah suratan
Baguling-guling gugur ka lurah

Kain palikat ditapas-tapas
Duduk bakamban handak barsalin
Jangan dikanang barang yang lapas
Sudah manjadi hak orang lain

Puas kutanam si ubi rambat
Ubi dikandong kain palikat
Puas sudah aku taubat
Taubat nasuha indaku dapat