Di padang

Di padang Bandari

aku duduk di atas kayu bapanga

cacak ubin ku parhati parangainya

cangkir malidi lalai mamikir parangai manusia

dimasak ikan, dimakan isi tulang dibuangnya

dibali kain sabidang, digunting-guntingnya

dibali banang sagulung, diputus-putuskannya
dibali jagung sabarakas, dibuang kulit isi ditununya

nah! Apa jadinya kita

Di padang Daun

di hujan barai-barai turunnya

pimping disuluh matanya

diserekup menjadi mangsa

dilapah dianit bulunya

jadi santapan tidak seberapa

orang lain sudah mula makan makanan segera

kita masih ditakuk lama

nah! Apa sudahnya kita

Di padang si Bedah

aku duduk atas luting

talungsur kain tarsingsing

salapas mambawa aying sagurinsing
siapa ambil pusing

bawa diri masing-masing

nah! Apa maunya kita

Di padang Subarang

aku duduk mangira-ngira kayu parapat
parapat namanya tinggal tarpahat
padang bartukar kediaman hampir padat

sambil manjanguk ekong taripas takipat-kipat

apa mangkali bakal ku dapat

sama ada lauk badus atau lauk sapat

nah! Apa nasibnya kita

Di padang Pagasan

pucuk jagus dijadikan sapak

digaul daun kayamak-kayamak

orang kitani tidaklah tamak

tapi tidakkan selamanya minum air suak

sampai bila mau dilumak

nah! Apa maksudnya kita

Di padang Pulau Malintang

salapas karbau ku mangirik talanggar tinda

aku duduk basila

manyuap nasi dangan sira

mesin kalkulitor masih dipagang Orang Cina

bisidia maniaga, kita apa

nah! Apa untungnya kita 

Di padang  Si Bakir
bila malihat bartarbangan burung sulangkir

aku bafikir

aku mangaji  jarang mangkir

aku balajar jarang cicir

tapi masih dipandang mihir

nah! Apa kesudahannya kita

Sama ada di padang Bandari

mahupun di padang si Bedah

atau di padang Pulau Malintang
waima di padang Si Bakir

atau di padang mana pun
kita masih anak Benoni

bangsa kita sama

bahasa kita sarupa

nasib kita siapa  paduli

jika bukan kita sandiri-sandiri

Bainuuutttt duluuu